Tirana vazhdon serinë e rezultateve pozitive. Bardheblutë fituan me rezultatin e thellë 0-5 ndaj Luftëtarit duke ruajtur distancën me 9 pikë ndaj Kukësit të vendit të dytë. Ecuria e trajneri Egbo në krye të skuadrës së Tiranës është fantastike pasi në 16 ndeshje të luajtura ka marrë 15 fitore dhe një barazim mes kampionatit dhe Kupës.
Pak ditë më parë trajneri Sulejman Starova u shpreh në emisionin “Pressing” se bardheblutë po kërkojnë një trajneri të ri për Europën dhe sezonin tjetër pasi Egbo është një trajner portierash dhe jo trajneri I parë.
Lidhur më këtë deklaratë ka reaguar edhe menaxheri Hektor Como me një postim në Facebook.
Në postimin e tij, menaxheri “thumbon” Starovën dhe tregon se Egbo ka pasur një karrierë të shkëlqyer si lojtar, por edhe si trajner ka bërë një punë mjaft të mirë me Bylisin disa sezone më parë si dhe këtë sezon me Tiranën. Como ka “thumbuar” edhe Starovën duke I kujtuar se futbolli është me moshë dhe nuk ka çfarë të japin më shumë.
