Deklarata e bërë nga Sulejman Starova javë më parë në një panel sportiv ka nxitur debat në vendin tonë. Trajneri kryeqytetas tha për Egbo-në se ai është një stërvitës portierash dhe jo skuadre futbolli.
Megjithatë fjalët e 64-vjeçarit në realitet kanë qenë boshe pasi rezultatet flasin në favor të trajnerit të Tiranës, i cili është pranë titullit kampion me bardheblutë. Në lidhje me këtë ka komentuar edhe Ermal Muskaj, gazetar sportiv pranë Televizionit Publik Shqiptar.
Ai i kujton Starovës dhe të gjithë kritikëve se të jesh trajner i mirë jo domosdo duhet të kesh luajtur futboll. Në një lajm të publikuar nga Neësport.al, ai shprehet: “Disa idiotë duhet ta kuptojnë që shumë trajnerë të mëdhenj s’kanë qenë kurrë futbollistë. S’ka pikën e lidhjes “trajner portierash”, përfundon Muskaj.