Edhe Kukësi bëhet gati për Vitin e Ri, e nisin nga liqeni dhe përfundojnë në Turqi

Ekipi i Kukësit ka përfunduar pushimet, duke iu rikthyer stërvitjes normale. Ditën e sotme, futbollistët e ekipit kanë zhvilluar senacën e parë parë stërvitore tek Liqeni Artificial. Skuadra do të vazhdojë edhe nesër me 2 seanca në ditë. Ndërkohë që në datën 5 ekipi do të nisët për të Turqi, në Antalia, ku do të zhvillojë fazën përgatitore.

“Skuadra e F.K. Kukësit i ka dhënë fund pushimeve dhe është rikthyer në stërvitje. Grupi i lojtarëve i është rikthyer përgatitjeve me një seancë në orën 15:00, në Liqenin Artificial. Skuadra do të vazhdojë edhe nesër me 2 seanca në ditë, ndërsa me datë 5 do të bëhet nisja për Antalia në Turqi”, thuhet në njoftimin e shpërndarë në faqen zyrtare të klubit verilindor.