E PABESUESHME/ U vodhën një pikë në shtëpi, LUSHNJA s’njeh humbje në Berat prej 7 vitesh

Lushnja dje nuk arriti të fitonte në fushën e Tomorit, por gjithësesi myzeqarët morën një tjetër fitore domethënëse. Verdhjeshilët ruajtën të pathyer rekordin e mospësimit të humbjes në fushën e beratasve. Barazimi i djeshëm 1-1 shtoi pathyeshmërinë e miqve që nuk njohin humbje prej 7 vitesh. Miqtë kaluan në avantazh në minutën e 33-të me Sulkjan, por vendasit u përgjigjën saktë në pjesën e dytë me Çapon, i cili shënoi saktë nga pika e bardhë e penalltisë. Lushnjarët janë kthyer në “makthin” e beratasve, të cilët me gjithë ndryshimet e mëdha në skuadër nuk kanë arritur të mposhin kundërshtarët.