Partizani arriti të fitonte me rezultatin minimal 1-0 ndaj Tiranës. Derbi I kyreqytetit u vendos nga një gol i Çinarit në minutën e 83-të. Në fund të ndeshjes për mediat foli edhe Jasir Asani. Sulmuesi I kuq u shpreh se Partizani e meritoi fitoren. Në fund Asani komentoi edhe të ardhmen duke u shprehur se këtë gjë e vendos klubi.
"Nga fillimi i ndeshje u futëm për të marrë fitoren. Kemi një ekip shumë të mirë dhe besoj se fitoren e merituam. Kemi krijuar shumë dhe në fund ia dolëm.
Partizani anti-Vllaznia? Nuk duhet të shikojmë vetëm Vllazninë. Nëse i marrim ndeshjet një nga një, atëherë nuk do të kemi probleme as me Vllazninë as me një tjetër.
Kartoni i kuq Bardhit? Për mendimin tim nuk ishte fare. Por tani ato ndodhën, edhe arbitri gabon. Tirana e meritoi kartonin. Unë mendoj se jemi përforcuar. Në sulm kemi lojtarë të mirë dhe kryesore është që secili të japë maksimumin për të bërë më mirë.
Derbi i fundit? Nuk mund të them asgjë deri tani, pasi të ardhmen time e ka në dorë klubi, por nuk besoj se ky ishte derbi i fundit.", tha Asani.
Lexo gjithashtu
