Partizani – Basel dhe Vllaznia – AEL Limasol, të vlefshme për turin e dytë të Conference League, janë dy ndeshjet e përzgjedhura sot nga Radio Televizioni Publik Shqiptar për t’u transmetuar drejtëpërdrejtë për të gjithë sportdashësit. Të kuqtë do të tentojnë të bëjnë surprizën përballë gjigantit helvet, megjithatë është mjaft e vështirë përmbysja e humbjes 3-0 të sfidës së parë.
Ndryshe është situata për Vllazninë që në takimin e parë është mposhtur 1-0 dhe sot përballë publikut të tyre priten të bëjnë mrekullinë. Pikërisht këto dy sfida do të transmetohen drejtëpërdrejtë përkatësisht në RTSH Sport në orën 20:00 dhe në RTSH 1 Hd në orën 21:00.
Loading ...
