“Presidenti i Besës, Nexhat Bizhdili m’u lut që ta merrja Bernard Berishën te Partizani, por unë e refuzova për arsye disiplinore. Në ekip kisha dhe Mazrekajn dhe nuk doja që të bëja karambol futbollistësh në ekip”. Kështu u shpreh Shpëtim Duro, ish-trajneri i Partizanit të dielën në “Fair Play” për ish-mesfushorin e Skënderbeut, duke zbuluar sipas tij një prapaskenë merkatoje të disa viteve më parë.
Por, Bernard Berisha ka reaguar përmes një statusi në profilin e tij në facebook, duke shkruar se ajo që ka thënë Duro nuk është e vërtetë.
“Nuk jam në ngjarje për këtë që ka folur profesor Shpëtim Duro, në at kohë isha me shumë skuadra në bisedime dhe unë vendosa të shkojë të Skënderbeu për shkak se ishte klubi më i mirë në Shqipëri. Presidenti i Besës Nexhat Bizhdili kishte folur me Partizanin pa dijeninë time dhe unë e nënshkrova kontratën me Skënderbeun, me mori në telefon Shpëtim Duro dhe me thotë mos e nënshkruaj pa folur me ne, se neve xhati (Nexhati) na ka jep fjalën dhe unë i thash me vjen keq profesor, por unë nënshkrova me Skënderbeun. Dhe si ka mundësi që një trajner ku vet me ka kërkuar, të thotë kam refuzuar Berishën. Më vjen të qesh, prandaj unë me punë ja ku jam sot, ndërsa atij i dëshiroj shëndet së pari dhe dashtë Zoti të bëhet trajner të ndonjë skuadër”, shkruan Berisha në Facebook.
Lexo gjithashtu
