Numri një i Sindikatës së Futbllistëve, Andi Lila është propozuar si kandidat për deputet për PD në Tiranë. Me anë të një postimi në rrjetet sociale, ai shprehet se sporti meriton vëmendje, madje duhet krijuar Ministria e Sportit.
34 vjeçari sqaron arsyet se përse duhet bërë një gjë e tillë, duke u fokusuar në disa pika të shkurta. Natyrisht, asgjë nuk do jetë e lehtë, por me punë dhe përkushtim gjithçka mund të arrihet.
Postimi:
“Objektivi e politikës së re për sportin: krijimi i Ministrisë së Sportit.
Ministria e sportit duhet sepse:
1-Duhet të përpunojë direktivat e BE-së për përmirësimin e sportit.
2-Duhet të koordinojë punën me Komitetin Olimpik Kombëtar Shqiptarë (KOKSH) dhe Federatat sportive për përmirësimin e cilësisë sportive në Shqipëri.
3-Do të jetë struktura e cila do të përcjelle vazhdimisht në mbledhjet e qeverisë të gjithë problemet që ka sporti. Në këtë mënyrë çdo nisëm ligjore e qeverisë do të marrë në konsideratë edhe interesat e sportit.
4-Do të ndihmoj në përmirësimin e akteve ligjore të federatave sportive.
5-Do të kontribuoj në forcimin e luftës anti-doping me ngritjen e laboratorëve të specializuar.
6-Do të ndërtoj politika të qarta për të favorizuar sportistët elitar më qëllim që të mos largohen nga Shqipëria dhe të përfaqësojnë vende të tjera.
7-Do të mbikëqyrë rreptësisht ngritjen e KAS-it Shqiptar nga KOKSH me qëllim ky organizëm gjyqësor që ti shërbej dhënies së DREJTËSISË”
Loading ...
