Sot është një ditë speciale për Idi Bathën. Mesfushori i Tiranës feston 28-vjetorin e lindjes dhe urimet për të nuk kanë munguar. Janë të shumtë lojtarët që kanë qenë e janë shok skuadre, por edhe tifoz që e kanë uruar përmes rrjeteve sociale.
Nga Trashi i Partizanit, Torrasa, Morina, Sukaj, Kotobelli e deri te shumë tifozë e kanë uruar “motorrin” e mesfushës së Tiranës në këtë ditë speciale. Ndryshe nga vitet e tjera, Batha duhet ta festojë këtë ditëlindje në karantinë për shkak të pandemisë së coronavirusit që ka prekur Shqipërinë dhe gjithë botën.
Batha u transferua nga Flamurtari te bardheblutë në fillim të këtij sezoni e tani është kthyer në një pikë kyçe të skuadrës. Kujtojmë që Tirana udhëheq Kategorinë Superiore me 53 pikë, 9 më shumë se Kukësi i vendit të dytë.
Loading ...
