Dritan Dervishi ishte i pranishëm në stadiumin “Selman Stërmasi” për të parë nga afër derbin mes Partizanit dhe Tiranës, por gjithashtu ish drejtori i të kuqve ishte me një mision të qartë në kryeqytet. Dervishi është zyrtar i klubit të Veronës në Itali dhe në këtë derbi ka qenë për të vëzhguar nga afër mbrojtësin e Partizanit, Arbnor Fejzullahi.
Futbollisti nga Lugina e Preshevës ishte ndër më të mirët në fushën e blertë dhe me shumë gjasa klubi italian do të bëjë ofertën e tij për 23-vjeçarin në merkaton e verës. Kujtojmë që Dritan Dervishi e njeh mirë Fejzullahin, pasi futbollisti i kuq ka qenë pjesë e Partizanit edhe në sezonin 2015-2016. Pikërisht në këtë kohë Dervishi mbante postin e drejtorit te 15 herë kampionët e Shqipërisë.
Loading ...
