Dje, Partizani u njoh me kundërshtarin që do të ndeshet në turin e parë të Champions League, teksa goglat rezervuan një përballje të të kuqve me Karabakun. Ndërkohë, sot në Nyon të Zvicrës është hedhur shorti për turet e dyta. Nëse të kuqtë arrijnë të kalojnë raundin e parë, atëherë kampionët e Shqipërisë do të ndeshen me një nga ekipet e çiftit Dundalk – Riga.
Në letër, të dyja skuadra jo fort të vështira, megjithatë vetëm fusha e blertë do të tregojë potencialin e tyre. Ndërkohë edhe Shkëndija e Tetovës ka mësuar kundërshtarin e mundshëm të turit të dytë. Kuqezinjtë e Qatip Osmanit do të kenë përballë një nga skuadrat mes Sëlltik dhe Sarajevos, sigurisht nëse gjithmonë arrijnë të kualifikohen.