Katar 2022
Marko Cetkoviç është lojtari që u afrua në këtë merkato dimri te Partizani. Mesfushori 30-vjeçar u zyrtarizua tek të kuqtë ditën e djeshme, ndërsa sot paradite iu bashku skuadrës në Turqi. Por, si të mos mjaftonte kjo, për fantazistin pati minuta loje edhe në fushën e blertë.
Cetkoviç debutoi me fanellën e kuqe në ndeshjen miqësore kundër Gabalës, ku Partizani fitoi me rezultatin 2-1. Lojtari nga Mali i Zi spikati në fushën e blertë dhe këtë e konfirmoi edhe Starova pas përfundimit të takimit. Në këtë mënyrë, mundësia për një vend titullari në formacionin e të kuqve është e madhe, por nuk duhet harruar konkurrenca që është mes futbollistëve.
Tashmë pritet të shihet se cili do të jetë 11-shja e Starovës në dy fazat e ardhshme. Kujtojmë që “Bobi” është shprehur që do t’i qëndrojë besnik grupit të dy fazave të para, por kjo do të shihet vetëm në vazhdim.
