Italia dhe Gjermania barazuan 3-3 mbrëmjen e djeshme, në çerekfinalen e dytë të Nations League. Për shkak se kishte humbur 1-2 ndeshjen e parë në shtëpi, italianëve nuk u mjaftoi barazimi dhe u eliminuan.
Në përfundim të këtij dueli ka folur trajneri i Italisë, Luciano Spalletti. Ky i fundit flet për pjesën e parë dhe të dytë të ndeshjes, si dhe për golin Jamal Musialës, i cili erdhi nga një goditje këndi e ekzekutuar me shpejtësi.
“Ndeshjet prodhojnë gjithmonë lajme. Pjesa e parë pati pak vendosmëri. Në pjesën e dytë ne e kuptuam që duhet të jepnim më shumë dhe pamë Italinë që të gjithë presin. Meritonim pak më tepër fat.
Goli i dytë? E kishim parë që ata e godasin topin shpejt. E dinim këtë, por nëse më pas kthejmë shpinën dhe nuk ia dalim dot… Në këtë pikë është më mirë që e pësuam golin, të paktën kështu do ta kuptojnë”, u shpreh Luciano Spalletti.
Lexo gjithashtu
