Vllaznia këtë sezon në Superligën e futbollit po shkëlqen duke mbajtur vendin e parë në klasifikim. Kuqeblutë janë duke menduar për zonën europiane, ndërsa borxhet që klubi ka ndaj Tatimeve në Shkodër mund të pengojë këtë aktivitet. Nxjerrja në ankand e skuadrës nuk ka kaluar pa debate, ndërsa 1.6 miliard lekët e borxheve nuk mund të fshihen.
Në Shkodër kërkohen 320 milion lekë për t'I hapur rrugë zgjidhjes, me Tatimet që do përpiqen të zgjidhin situatën duke u paguar fillimisht 20 përqind e shumës. Për këtë, tifozët shkodranë janë çuar në këmbë duke hedhur idenë e çmendur.
Në një zonë ku banojnë afro 200 mijë banorë, tifozët kërkojnë që 32 mijë persona të dhurojnë 10 mijë lekë të vjetër që shuma të mblidhet. Pasioni dhe dashuria për fanellën duket se po vendos në lëvizje tifozët, që pritet të materializojnë idenë.
"Gati 200 mijë banorë të çohemi në këmbë. 32 mijë banorë të paguajmë nga 10 mijë lekë të vjetër dhe shuma bëhet. Më pas stadiumi hapet kur të kalojë pandemia dhe kompensohen lekët me 10 ndeshje falas", shkruajnë tifozët shkodranë.
Lexo gjithashtu
