Katar 2022
Kamza nuk po kalon një moment të mirë, kjo për shkak të çështjeve të rrogave të pashlyera. Në ndeshjen e fundit ndaj Partizanit disa prej lojtarëve titullarë bojkotuan ndeshjen pasi nuk janë paguar dhe vendosën që mos të luanin. Lidhur më këtë çështje ka folur dhe kapiteni i skuadrës, Sebino Plaku, që ka folur për situatën që po kalon klubi i Kamzës. Në një prononcim për “SuperSport” Plaku tregoi se kanë marrë një premtim nga presidenti Qarri dhe se lojtarët do të vazhdojnë të japin maksimumin.
“Vetë situata është e ngarkuar. Është në vazhdën e ngjarjeve. Kemi pretenduar që kemi bashkëpunim me bashkinë dhe presidentin Qarri. Kemi dëgjuar që kryetari i Bashkisë nuk dëshiron të bashkëpunojë. Kjo situatë u reflektua edhe në ndeshjen me Partizanin.”Unë jam kapiten dhe në shumë raste më të duhet të bëj edhe ndërmjetësin. Kemi marrë një premtim nga presidenti Qarri. Do të vazhdojmë dhe do të harrojmë gjithçka, të japim maksimumin. Një gol në fushën kundërshtare mund të na ndihmojë që të kualifikohemi u shpreh kapiteni i skuadrës.
