Pas largimit të Sukajt nga klubi i kuq, një tjetër lojtar është shumë pranë divorcit me Partizanin. Bëhet fjalë për Ditmar Bicajn, qendërmbrojtësin e njohur të Superiores që është shumë pranë nënshkrimit me ekipin e Flamurtarit. Ai këto ditë pritet të firmosë në Vlorë. kanë mbetur vetëm detajet e fundit për t’u zgjidhur, pasi palët parimisht kanë rënë dakord. Bicaj prishi kontratën me të kuqtë, pasi mësohet se ata i kishin rreth 30 mijë euro borxh të pa shlyera lezhjanit. Në këtë mënyrë, 27-vjeçari është “firo” e radhës për klubin kryeqytetas.
