Vijon me ritme intensive puna te Besa e Kavajës. Trajneri Gugash Magani po i jep ngarkesën e duhur grupit që ka në dispozicion. Megjithatë tekniku peqinas ende s’është i kënaqur me afrimet e bëra deri tani në ekip.
Ai, bashkë me drejtuesit po punojnë për të pasuruar organikën me të tjerë futbollistë që do të bëjnë diferencën në Kategorinë e Parë. Këtë vit, edicioni i ri do të jetë mjaft i luftuar, ndaj në Kavajë kërkojnë t’i paraprijnë konkurrencës.
Objektivi kryesor do të jetë ngjitja në elitë. Skuadra i është besuar një trajneri që ka shumë eksperiencë në kampionatin shqiptar, por edhe financat e presidentit Nexhat Bizhdili nuk do të mungojnë.
