Mbrojtësi rumun Dan Ignat do të vazhdojë të jetë pjesë e Vllaznisë, edhe pse pas ndeshjes së Kupës së Shqipërisë me Kamzën (2-1) për Vllazninë, ai u paraqit për herë të fundit, siç u aludua, se do të plotësohej me dokumentacionin e nevojshëm për të mbyllur shërbimin te kuqeblutë.
“Shkodra News” mëson se 32-vjeçari ka revokuar vendimin e tij dhe sot ai i është bashkuar ekipit të Hasan Likës në përgatitjet për nisjen e pjesës së dytë të Kategorisë së Parë.
Fillimisht, u raportua se Ignat do të largohej për probleme personale nga Vllaznia, por ende nuk dihet se përse futbollisti vendosi të vazhdonte deri në fund të sezonit me kryesuesit e grupit A të Kategorisë së Parë. Rikthimi i tij në Shkodër është “përforcim” i vërtetë për Vllazninë, që tashmë synon të sigurojë para kohe ngjitjen në Kategorinë Superiore.
