Tomori i Beratit ka bërë njoftimin për arritjen e marrëveshjes me sulmuesion shkodran Elhan Galica. Gjithashtu, beratasit nuk duan të ndalen me kaq në merkato. Sikurse thuhet në raportimin zyrtar , klubi është në bisedime me dy lojtarë nga Kategoria Superiore. Bëhet fjalë për një mbrojtës qendre dhe një tjetër të djathtë.
Mbetet për t’u parë në ditët në vijim për të tjera zhvillime.
“Klubi njofton arritjen e marrëveshjes me sulmuesin shkodran Elhan Galica. Sulmuesi, i cili gjatë këtij sezoni ishte pjesë e Adës së Velipojës, ka firmosur një kontratë deri në përfundim të sezonit me të drejtë rinovimi edhe për një vit.
Elhan Galica është një nga futbollistët që ka dhënë shumë për fanellën e Tomorit dhe për këtë meriton respekt maksimal. Futboll Klub Tomori nuk kursehet t’ia kthej dyfish respektin personazheve që ia pasurojnë imazhin.
Merkato: Tomori është në bisedime të avancuara me një qëndërmbrojtës dhe një mbrojtës të djathtë nga Kategoria Superiore, i cili pritet të marrë edhe vendin e Çaços”.