Kukësi nuk ka shkuar më shumë se një barazim 1-1 me Laçin, mirëpo për verilindorët nuk përfundon këtu. Në një postim në rrjetet sociale këta të fundit kanë akuzuar drejtpërdrejt arbitrin Enea Jorgji se ka favorizuar hapur Laçin dhe se do e dërgojnë çështjen në Komisionin e Arbitrimit, në mënyrë që ai të mos e drejtojë më Kukësin.
“Arbitri i Jorgjit në favor të kundërshtarit! Arbitri i ndeshjes së sotme, Enea Jorgji, tregoi edhe një herë joprofesionalizem , duke favorizuar në mënyrë te hapur ekipin e Laçit, ashtu siç ka vepruar shumë herë të tjera. Shumë qartë, ai nuk dha disa herë goditje dhe faulle për ne, siç ishte dhe rasti i ndërhyrjes së parregullt të Ëilliam Cordeiros. Ne do të analizojmë me detaje këtë ndeshje për të nxjerrë dhe përgjegjësitë tona si staf dhe ekip, si dhe do të dërgojmë në Komisionin e Arbitrimit ankimin për këtë arbitër në mënyrë që të mos jetë më gjyqtar në asnjë ndeshje që do të luajë Kukësi”.
Loading ...
