Barazimi dramatik, Uzuni: Duhet të shënonim golin e dytë, se di ça është ky fat i keq

Fund dramatik në “Air Albania” për Shqipërinë ku u barazua në sekondat e fundit nga Islanda duke vulosur shifrat në 1-1. Një paraqitje që lë shumë për të dëshiruar ku për pjesën më të madhe luajtëm me një lojtarë më tepër.

Myrto Uzuni për mikrofonin e Super Sport: 

“E nisëm shumë mirë, një karton i kuq dhe duhet të shënonim golin e dytë shumë shpejt. Nuk e di ça është ky fat i keq që po na ndjek. Normal që jemi të zhgënjyer sepse e kishim detyrim të merrnim fitoren për tifozët. Normal nuk ndihemi mirë pasi tifozët janë nxehur sepse kanë lënë punët e tyre e kanë ardhur këtu. Duhet të shënonim më shpejt, por u vështirësuan gjërat pasi doli Vesli, duhet të kishim dalë fitimtarë por siç e thashë po na ndjek ky fat i keq”.