Në “Elbasan Arena” mbrëmjen e sotme është një tifoz special, bëhet fjalë për babain e Taulant dhe Granit Xhakës. Në një intervistë të shkurtër për “Supersport”, ai ka komentuar shqiponjën që djali i tij bëri pak kohë më parë në ndeshjen që Zvicra luajti ndaj Sebisë.
I pyetur se kë ka pikë të dobët dhe nëse zgjedh me dy djemve të tij, ai është shprehur se nuk mund t’i ndajë dot, pasi që të dy janë fëmijët e tij.
Emocionionet që ke?
Normal që emocionet janë nga të dyja anët. Pa marrë parasysh se ku luhet ndeshja në Zvicër apo Shqipëri. Jam shumë i lumtur që gjendem në Elbasan.
Ke qenë ti që ua ke ushqyer dashurinë për futbollin. Çfarë mendimi ke për Shqipërinë?
Po, unë kam qenë, por ata kanë pasur talentin. Shqipëria është shumë e fortë dhe ka lojtarë të mirë në Kombëtaren tonë. Këta djem do të kenë sukses me trajnerin Panuçi.
Xhaka dhe Shaqiri. Çfarë mendimi ke për deklaratat në lidhje me shqiponjën?
Zvicra e di që shqiponja është simboli jonë kombëtar. Nuk duhet cilësuar si shumë e rëndë. Ishte një gjest emocional dhe jo politik. Nuk ka asgjë të keqe. Por kur mbron ngjyrat e një shteti tjetër duhet të kesh pak kujdes.
Kush është pika jote e dobët, Taulanti apo Graniti?
Nuk mund t’ju përgjigjem. Nuk bëj dallime. I kam të dy bijtë e mijë. Pikë të dobët kam të vogëlin (Granitin), por edhe Taulantin… Nuk i ndaj dot.
Loading ...
