Të gjithë menduan se ky do të ishte një sezon i dobët. Të gjithë menduan se Skënderbeu përfundoi. Të gjithë menduan se tashmë ata do të ishin një kundërshtar i lehtë për të gjithë. Por, deri më tani të gjithë janë gabuar. Ata askush nuk po i ndal. Në tre ndeshje zyrtare në këtë sezon nuk kanë gabuar asnjë, por kanë fituar dhe madje kanë bindur me lojë.
E nisën në finalen e Supërkupës ndaj Laçit, duke e marrë trofeun në shtëpi. Ndeshjen e parë të Superligës e luajtën në Korçë ndaj një skuadre si Partizani, por fituan dhe morën 3 pikë. Ditën e djeshme fituan shumë lehtë ndaj Kastriotit në transfertë 0-3. Dy javë kampionat, 6 pikë të grumbulluara dhe në krye të tabelës.
Lirisht mund të themi se Skënderbeu po "korr" frytet e së shkuarës, që megjithëse kanë marrë lajme negative nga UEFA, tashmë kampionët e vendit po i marrin sukseset nga lojtarët e rinj, sikurse është Dejvi Bregu, që të treja sfidat që ka luajtur deri më tani, dy herë ka dalë lojtari i ndeshjes.
Mbetet të shihet se kush do të jetë skuadra që do e ndalë "ushtrinë" e Orges Shehit që ditën e djeshme është shprehur se këtë sezon ndihen më të "uritur" për të fituar trofe.
Lexo gjithashtu
