Oriku gjen trajnerin e ri. Skuadra vlonjate që sezonin tjetër do të luajë në Kategorinë e Dytë i ka besuar stolin, Besmir Shabanit. Pas rënies nga Kategoria e Parë, trajneri Artan Sakaj vendosi të largohej duke dhënë dorëheqjen nga ekipi, ndërsa drejtuesit e klubit nuk kanë humbur kohë dhe kanë gjetur trajnerin që do të drejtojë skuadrën për sezonin e ri.
Shabani është një emër i njohur për Orikun pasi e ka drejtuar këtë skuadër edhe në sezonin e kaluar, ndërsa tani ulet sërish në stol me misionin e qartë për të ngritur skuadrën në Kategorinë e Parë.
Njoftimi i Orikut:
“Klubi Oriku njofton se trajner i ekipit për sezonin futbollistik 2021- 2022 do të jetë Besmir Shabani. Gjithashtu, të gjithë lojtarët që kanë marrëdhënie kontraktuale me klubin, duhet të paraqiten ditën e hënë, ora 17:00, për fillimin e seancave stërvitore. Klubi u uron suksese të dyja palëve në këtë sezon”.
Loading ...
