Vllaznia do të luajë ndeshjen e javës së 6-të të Kategorisë Superiore ndaj Bylisit në "Loro Boriçi". Shkodranët pas humbjes ndaj Kukësit kërkojnë të rikthehen te fitorja në ndeshjen që do të luhet ditën e shtunë. Për këtë takim, trajneri Brdariç do të ketë në dispozicion edhe mbrojtësin Isaevksi i cili mungoi ndeshjen e kaluar pasi ishte ndëshkuar me karton të kuq.
Duke parë rikthimin e mbrojtësit maqedonas, Brdariç do të rikthejë skemën e tij të preferuar 4-3-3, me Markun që do të marri vendin e tij në mesfushë. Për këtë takim Vllaznia me shumë mundësi nuk do të ketë të gatshëm sulmuesin Da Silva dhe nga minuta e parë do të luajë Ardit Hoxhaj. Vlonjati gjeti rrjetën ndaj Kukësit dhe në këtë takim vjen me moralin e lartë e gati për të ndëshkuar edhe ish-skuadrën e tij.
Lexo gjithashtu
