I ftuar në emisionin "Pressing" nga gazetari Gerti Çarcani, antari i Komitetit Ekgzekutiv në FSHF, Arben Dervishaj foli për stadiumin e ri "Arena Kombëtare". Dervishaj foli se stadiumi do të jetë një nga më modernët në Europë dhe shumë shpejt do të jetë gati pasi deri më tani është ndërtuar rreth 70 përqind të stadiumit.
"Në këto momente që flasim stadiumi është ndërtuar rreth 70 përqind. Po punohet brenda dhe jashtë stadiumit. Në qershor stadiumi do të jetë gati për t'u provuar jo nga një ndeshje Kombëtare, por nga një ndeshje miqësore pasi do të provohet përpara se të luaj Kombëtarja. Pjesa e tifozëve ka përfunduar dhe tashmë do të vendosen stolat që kanë mbërritur. Po punohet dhe për fasadën e stadiumit. Tribuna qendrore do të shërbej si tribuna VIP. Nuk do të mungojnë as ambjetet e shërbimeve ku tifozët mund të blejnë diçka për të pirë apo dhe për të ngrenë. Do të jetë një nga stadiumet më moderne në Europë. Tapeti i fushës do të shtrohet në muajn mars pas përfundimit të stadiumit dhe nga muaj mars deri në qershor tapeti do të jetë gati. Në stadium nuk do të luaj vetëm Kombëtarja, por edhe disa ndeshje të rëndësishme të Kategorisë Superiore".
Lexo gjithashtu
