Albion Marku ishte një nga lojtarët që mbylli sezonin me Partizanin. I huazuar nga Lokomotiva e Zagrebit, mbrojtësi i linjës së djathtë bëri relativisht paraqitje pozitive. Edhe pse u shpresua që do të kishte një marrëveshje të re me kroatët, kjo s’u arrit dhe Marku u largua nga të kuqtë.
Por, sot para ndeshjes së Partizanit kundër Saburtalos në kuadër të turit të parë të Conference League, ai nuk ka harruar dhe i ka uruar fat ish-ekipit përmes një emoji. Duket si një mesazh për kryeqytetasit që ndoshta mund të vihen sërish në lëvizje për të pasur në gjirin e tyre një nga mbrojtësit më të mirë të viteve të fundit në Shqipëri.