Abaz Karakaçi është larguar nga skuadra e Kastriotit. Kapiteni i krutanëve ka bërë një postim emocionues në rrjetet sociale ku falënderon të gjithë ata që kontribuan sadopak për arritjen e objektivave sezonalë.
Edhe pse krutanët nuk mundën të qëndrojnë në elitë, padyshim që për Karakaçin nuk do të harrohet ky sezon që dhuroi gjithçka, përfshirë emocionet pozitive apo edhe ato negative. Në postimin e bërë në rrjetet sociale thuhej:
“Luftuam deri në fund, dhamë gjithçka, por nuk ia arritëm që ta realizonim objektivin që kishim këtë sezon, dhe jo gjithçka ndodhi për fajin tonë. I falenderoj të gjithë, veçanërisht Presidentin Alban Vogli, për besimin që më ka dhënë në gjithë këto vite.
Falenderoj, trajnerët me të cilët kam punuar, gjithë stafin, dhe lojtarët për këto vite që kemi kaluar së bashku, gjithashtu falenderoj dhe tifozët krutanë. Uroj që Kastrioti të rikthehet sa më shpejt në Superligë, pasi aty e ka vendin, dhe shpresoj që të jemi sërish së bashku në të ardhmen. Me respekt Karakaçi”
