Federata shqiptare e futbollit ka reaguar për ngjarjen e ndodhur në ndeshjen e femrave Partizani-Bilishti. Kjo ndeshje u ndërpre për shkak se 6 lojtare të Bilishtit kanë pasur gjendje të fikti për shkak se janë helmuar nga ushqimi e 3 prej janë dërguar në spital. Përmes një reagimi zyrtar, FSHF bën me dije se vajzat pasi janë vizituar në spital janë larguar.
Postimi i FSHF-së:
Federata Shqiptare e Futbollit dëshiron të sqarojë dramën e klikimeve të krijuara ditën e sotme në lidhje me ndeshjen Partizani-Bilisht Sport, e vlefshme për javën e parafundit të Kampionatit Kombëtar të Futbollit të femrave.
Gjatë zhvillimit të ndeshjes së vlefshme për javën e 21-të të kampionatit, 3 vajza të ekipit juglindor kanë shfaqur gjendje të fikëti
Menjëherë vajzat janë shoqëruar në Spitalin Amerikan nga Ambulanca, e sjellë nga klubi pritës, KFF Partizani, që kanë qëndruar së bashku me delegatin e ndeshjes, pranë vajzave.
Tre futbollistet pasi kanë kryer analizat e nevojshme kanë lënë ambientet e Spitalit.
I bëjmë thirrje të gjithë mediave që të jenë shumë të kujdesshme në raportimin e ngjarjeve të tilla, duke parë që kanë të bëjnë me emocione të lojtareve, prindërve dhe të afërmve të tyre.
Në garën e eksluziveve dhe klikimeve duhet të tregojmë së paku humanizëm dhe profesionalizëm.
Loading ...
