Partizani ka zhvilluar deri më tani një sezon të mirë, teksa gjendet në vendin e dytë me pikë të barabarta me Kukësin kryesues. Një meritë kryesore për ngritjen e të kuqve në këto nivele, ka presidenti Gaz Demi. Numri "një" i klubit të Partizanit ka dhënë një intervistë për Supersport ku ndër të tjera ka zbuluar koston e kompleksit të kuq që po ndërtohet në periferi të Tiranës, kur do të jetë gati dhe gjithashtu edhe të ardhmen e lojtarit më në formë të të kuqve, Kaleb Ekubanit.
Kompleksi i ri - "Po mendojmë që në dhjetor skuadra të fillojë stërvitjen atje, më pas për stadiumin do flasim gjatë vitit të ardhshëm. Në shtator kur të nisë sezoni, të jem i sinqertë, nuk do jetë gati.
Nuk mund t’ua them dot me garanci. Por imagjinoni, vetëm fushat stërvitore dhe fusha e stadiumit, shkojnë 850 mijë euro. Më pas stadiumi nuk di të them sa shkon, por shpresoj që gjithë kompleksi të mbyllet me 4-5 milionë euro".
E ardhmja e Ekuban - "Kam dëshirë ta mbaj dhe një vit tjetër te Partizani, jam duke diskutuar në lidhje me këtë gjë".
Lexo gjithashtu
