Fjoart Jonuzi është padyshim lojtari i momentit te skuadra e Vllaznisë. Mesfushori i njohur po shkëlqen te shkodranët ku ka arritur të realizojë 4 gola në 5 ndeshje. Klubi kuqeblu ka bërë një postim në rrjetet sociale ku krenohet pikërisht me performancën e futbollistit të vet.
“Fjoart Jonuzi, lojtari i momentit…”, shkruhej në kanalin zyrtar të shkodranëve. Jonuzi padyshim është pjesë e rëndësishme e formacionit të Mirel Josës duke qenë titullar i padiskutueshëm. Cilësitë në mesin e fushës janë të dukshme dhe pritet me interes të shihet sa do të jetë numri i golave të shënuar deri në fund të këtij edicioni futbollistik.
