E diela e 14 qershorit do të shohë në fushë 7 duele për Kategorinë e Dytë. Ndeshjet do të zhvillohen në orën 17:00, ndërsa do të luhet në të dyja grupet. Vllaznia B pret Kamzën në “Reshit Rusi”, me kamzalinjtë që janë paraqitur së fundmi me ekipin U19.
Për grupin B të kësaj kategorie, Tomori udhëton drejt Përmetit, ndërsa Butrini pret Skraparin. Këlcyra udhëton drejt Maliqit ndërsa Albpetrol luan në shtëpi ndaj Selenicës. Naftëtari udhëton drejt Ersekës në përballje me GFramozin, ndërsa Memaliaj pret në shtëpi Tepelenën. Lufta për ngjitjen një kategori më lart është e fortë në grupin B, pasi Tomori, Albpetroli dhe Maliqi mbajnë vendin e parë me 40 pikë të grumbulluara.
Kategoria e Dytë – 17:00
Grupi A
Vllaznia B – Kamza
Grupi B
Përmeti – Tomori
Butrinti – Skrapari
Maliqi – Këlcyra
Albpetrol – Selenica
Memaliaj – Tepelena
Gramozi – Naftëtari
