Duket se 2019-ta është viti I Partizanit, sin ë futboll, por edhe në volejboll. Partizani në volejboll për femra arrin të kualifikohet në raundin e dytë të Champions League, duke eleminuar në fazën e parë ZOK Bimal-Jedinstvo.
Në takimin e parë, të luajtur në kryeqytet, vajzat kanë fituar me rezultatin 3-1 me sete, e ndërsa sonte kanë arritur edhe kualifikimin për të vazhduar më tej në ëndrrën europiane.
Me anë të një postimi në rrjetin social Facebook, klubi I kuq shkruan se ndihet krenar me vajzat që kanë arritur të sigurojnë këtë kualifikim, nën urdhërat e trajnerit Nejat Sancak.
Postimi i klubit të Partizanit:
KRENAR PËR JU VAJZA
EKIPI KAMPION I PARTIZANIT NË VOLEJBOLL KUALIFIKOHET NË RAUNDIN E DYTË TË LIGËS SË KAMPIONEVE
Kampionet e Partizanit në volejboll për femra kanë arritur të sigurojnë një kualifikim historik në Ligën e Kampioneve, në turin e dytë të këtij kompeticioni.
Vajzat e drejtuara nga trajneri Nejat Sancak kanë siguruar sot kualifikimin ndaj boshnjakeve ZOK Bimal-Jedinstvo.