Bledar Devolli, trajneri i U-19, duket se ka krijuar ekipin që nuk do të përmbahet në këtë sezon të ri për bardheblutë.
Të dielën, në fushën e kompleksit "Skënder Halili" u luajt ndeshja e parë në kampionat për 19 vjecarët, kundër Ajaksit të Shkodrës.
Ekipi shkodran shënoi I pari pas një gabimi të portierit bardheblu. Por ky ishte vetëm një detaj. 80 minutat e mbetura folën vetëm për Tiranën.
Mbrojtja, mesfusha e sulmi, ishin të papërmbajtshëm, cka rezultoi në jo pak, por 6 gola, një start I mirë për 19 vjecarët e Tiranës që nuk e kanë ndjerë prej shumë kohësh në kampionat shijen e fitores.
Aksione të mirëorganizuara, dhe një skuadër, që nuk iu nda gjysmëfushës së ekipit kundërshtar, duket se ekipi I Devollit, do të jetë furnizuesi kryesor edhe për ekipin e parë të Tiranës.
Gjumsi, ishte golashënuesi kryesor për Tiranën me realizime në minutën e 34, 26 dhe 44. Më pas, golat u rezervuan për shokët e tjerë të skuadrës: Malo në 54, Pasmaciu në 66 dhe Musai në 80.
Fusha u dominua bardhe e blu, pasi edhe Migen Memelli, me U-17, e fitoi ndeshjen e nisur në orën 10.00 me 3 gola duke pasur një start po aq të mirë të kampionatit.
Dhe larminë e golave të kësaj jave e nisi Ard Mema me ekipin e parë, ku ekipi realizoi tre gola kundër Skënderbeut.
Tirana U-19: Kodra, Cici, Malo, Nurja, Musai, Ceku, Stafa, Abazaj, Gjumsi, Hasaj, Elezi
Të gatshëm: Balozi, Nikaj, Sefa, Bajraktari, Pasmaciu, Zëre, Methoxha, Shkreta, Avdiu, Koni
Lexo gjithashtu
