“100 milionë euro për Pogba-në? Janë para të hedhura dëm”

Ish-lojtari i Francës, Emmanuel Petit ka folur për të ardhmen e Paul Pogbasë, teksa është shprehur se ylli francez nuk vlen 100 milionë euro. Sipas tij, të paguash një shumë të tillë, janë para të hedhura dëm. Petit nuk e vlerëson akoma si një yll mesfushorin e përfaqësueses franceze, pasi ai ka shumë për të punuar, që të arrijë te “ylli”.
“Ata thonë 100 milionë funte, që janë paratë humbura për mua. Pogba ka të ardhme të ndritur, por kjo është shumë shpejt për të”, tha Petit për “Yahoo Sport”.
“Ne jemi duke e bërë atë një yll të madh, por ai ende nuk është i tillë. Ai nuk e ka arritur ende nivelin e Ligës së Kampionëve. Jam i sigurt që do ta arrij, por tashmë është shumë afër”.