Partizani do luajë më 7 korrik në transfertë e Gjeorgjisë përballë Saburtalos, ndeshje që do jetë e vlefshme për turin e parë të Conference League.
Shorti i përballi me një udhëtim të largët tifozët e Partizanit, që e kanë mbështetur më parë ekipin në ndeshjet europiane. Pak më parë Partizani njoftoi se ekziston mundësia për ta ndjekur ndeshjen në Gjeorgji me një paketë të veçantë.
Shuma të cilën duhet të paguajë kushdo që kërkon të udhëtojë me “charter” është e majme. 990 euro është shifra e nevojshme për të kryer këtë udhëtim, që të jep mundësinë për të parë Partizanin në transfertën e parë europiane këtë sezon.