Gentian Muça është një nga lojtarët e dhënë borxh nga Tirana te Kukësi. Por, ai nuk është aktivizuar në takimet që verilindorët kanë luajtur në Europë, pasi ka pësuar tërheqje muskulare. Muça dhe Kukësi, përfshi dhe klubin bardheblu kanë kontratë që lojtari do të vijojë të mbetet pjesë e verilindorëve deri në përfundim të ndeshjeve të Europës.
Kështu, mbrojtës vijon të mbetet pjesë e Kukësit edhe për ndeshjet e tjera duke mos e lënë përgjysmë aventurën te verilindorët. Situata shëndetësore e tij është drejt përmirësimit. Sa i përket kthimit te Tirana, ai do të bashkohet me grupin pasi të përfundojë aventurën te Kukësi. Sot ai ka qenë i pranishëm tek autobusi i bardhebluve kur ekipi është nisur drejt Zllatiborit, por nuk ka udhëtuar me ta, duke respektuar kontratën e lidhur mes palëve të përmendura më sipër.
