Izair Emini pritet që të luajë minutat e para pas dëmtimit në takimin kundër Dinamos për Kupën e Shqipërisë. Emini ka lënë pas dëmtimin dhe do të jetë i gatshëm për trajnerin Ernest Gjoka në ditët në vijim, teksa në kampionat pritet që t'i jepet më tepër përparësi.
Jo vetëm se po rikthehet në formën e tij më të mirë fizike, por edhe se Per Pejiç është dëmtuar në ndeshjen e luajtur në Korçë. Kroati nuk po përjeton formë të mirë, ndërsa ekzaminimet e fundit tregojnë se shtatlarti i sulmit të Kukësit ka tërheqje muskulore, e cila ndikon shumë në formën e tij.
Ai do të marrë ndihmën e duhur nga mjekët e skuadrës, të cilët janë në garë me kohën për të kthyer në fushë sa më shpejt të munden lojtarin më të nevojshëm në ekip, pasi drejtuesit dhe stafi teknik besojnë tek aftësitë e tij.
Lexo gjithashtu
