Në gazetën sportive “Sport Ekspres” janë zyrtarizuar sot ndryshimet që fliteshin prej disa kohësh. Në treg prej 22-vitesh por me probleme të shumta në treg, kjo gazetë ka ndryshuar sërish pronar. “Sport Ekspres” prej ditës së sotme ka kaluar në pronësi të Kujtim Llupos, pronar i kompanisë ECCOBET, ndërkohë që me ardhjen e tij është larguar përfundimisht edhe kryeredaktori Fatjon Kodra.
Kjo gazetë në dy vitet e fundit ka qenë në pronësi të Entela Zegali Osoja e cila ka hequr dorë përfundimisht nga administrimi për t’ja kaluar një tjetër kompanie.
Një strukturë e re me ndryshime të brëndshme do të prekë gazetën “Sport Ekspres” që vijon të mbetet në treg edhe pse u përfol dhe u diskutua edhe së brëndshmi mundësia e mbylljes së saj përfundimtare.
Vëndin e kryeredaktorit Fatjon Kodra prej ditës së djeshme e ka zënë gazetari i “Supersport” Blerim Jahaj. Ditët në vijim pritet të sjellin edhe ndryshime të tjera ndërkohë që me këto lëvizje dhe një subvencion më të madh financiar, gazeta më e vjetër në treg do të vijoj të jetë çdo ditë prezente.
Blerim Jahaj gazetar në Supersport, i ftuar i përhershëm në Bar Skedina, ka marrë detyrën e kryeredaktorit të Sport Ekspres
Lexo gjithashtu
