Ishte paralajmëruar më parë që kurbinasit nuk kanë asnjë lojtar në kontratë, ndërsa presidentit Pashka Laska i duhet që të ulet me të gjithë për të bërë të qartë të ardhmen e tyre. Normalisht, duke qenë lojtarë të lirë, të gjithë kanë dëshirë që të zgjedhin se ku do të shkojnë.
Dy të larguarit e parë janë Miroslav Vujadinoviç dhe Marko Cetkoviç, i cili ka gjetur tjetër skuadër, por sot emra të tjerë kanë dalë në skenë. Arjan Sheta, Emiljano Çela, Emiljano Veliaj dhe Aldo Mitraj kanë pohuar për mediat se nuk do të vazhdojnë të jenë pjesë e kurbinasve.
Ata nuk kanë dalë në stërvitje me Laçin ditën e djeshme, e cila ishte limit për sezonin e ri, ndërsa kanë thënë se respektojnë tifozët dhe presidencën bardhezi për mbështetjen që u kanë dhënë gjatë sezoneve të fundit. Lojtarët janë duke parë për skuadër të re, ku ofertat nuk mungojnë.
Lexo gjithashtu
