Presidenti i Kosovës, Hashim Thaci i është shprehur i lumtur me përfaqësueset e Kosovës në xhudo Majlinda Kelmendin dhe Distria Krasniqi. Majlinda dhe Distria në duelin mes tyre ndanë medaljet e arit dhe të argjendtë. Turneu po zhvillohet në Budapest.
Thaçi në një postim në Facebook ka thënë se fitorja e tyre është për tu krenuar, jep shpresë për një debutim ëndrrash të shtetit të Kosovës në Lojërat Olimpike në Rio. Lojërat e Rios do të jenë të parat në historinë e shtetit të Kosovës.
Ky është statusi i plotë i Thaçit në Facebook:
‘’Xhudistet tona e “pushtuan” edhe Budapestin.Majlinda dhe Distria me përballjen e tyre në finalen e turneut Grand Prix në kryeqytetin hungarez na bënë krenarë dhe shpresëdhënës për një debutim ëndrrash të shtetit tonë në Lojërat Olimpike në Rio.Urime të përzemërta kampioneve tona për medaljen e artë dhe atë të argjendtë’’, mbyll postimin e tij në Facebook kryeministri kosovar.
