Vllaznia me mungesa të shumta në stërvitje, dy lojtarë rikthehen me grupin

Vllaznia ka vijuar me përgatitjet për ndeshjen e rradhës që do luhet në datën 29 mars kundër Skënderbeut në “Loro Boriçi” të Shkodrës. Në seancën e rradhës stërvitore grupi i futbollistëve nuk ka qenë i plot, kjo për shkak të dëmtimeve, por edhe të impenjimeve të futbollistëve kuqeblu me kombëtaren. Kështu Sherri dhe Krymi janë pjesë e U-21 të Shqipërisë.

Xhevahir Sukaj gjithashtu ka munguar në seancën e djeshme stërvitore, por kjo me leje të trajnerit Gjoka. Malota vazhdon të mungojë për shkak të problemeve të pronave në Lezhë ndërsa edhe Bardulla vazhdon të jetë në rikuperimin e një dëmtimi. Lajmi i mirë është se me grupin në stërvitje janë bashkuar Vucaj dhe Marku.