Vllaznia nuk do të rrijë më në heshtje përsa iu përket përgatitjeve për sezonin e ardhshëm futbollistik. Trajneri Armando Cungu dhe stafi i tij kanë vendosur që seanca e parë stërvitore e kuqebluve të zhvillohet më 1 korrik, pra nesër. Edhe pse nis fundjava, trajneri Cungu ka vendosur që të grumbullojë të tijtë.
Përgatitjet do të zhvillohen për tre javë radhazi në Shkodër, ndërsa për gazën përgatitore skuadra do të udhëtojë jashtë Shqipërisë. Ende nuk është përcaktuar vendi se ku do të zhvendoset skuadra, por dihet që Vllaznia ka preferuar Malin e Zi dhe Serbinë në vitet e fundit.
Përpos kësaj, po shihen mundësitë për të zhvilluar ndeshje miqësore, të cilat duhet të planifikohen pa u akomoduar skuadra. Ato janë shumë të rëndësishme për përgatitjen e grupit për sezonin e ri, ndërsa duhet të jenë edhe me peshë, që Cungu të shohë lartësinë e skuadrës së tij.
