Kukësi do të luajë ndeshjen e parë të Europa League ndaj Debrecenit në transfertë. Verilindorët kanë udhëtuar ditën e djeshme për në Hungari. Me anë të një video të postuar nga vetë klubi në faqen zyrtare, shihet udhëtimi që skuadra ka bërë për të mbërritur në Hungari.
Nisja me avion nga Tirana gjatë darkës dhe më pas udhëtim me autobus deri në orën 4 të mengjesit. Një udhëtim i lodhshëm për Kukësin në transfertën e Debrecenit, ndërsa skuadra do të zhvillojë stërvitjen e fundit në tokën hungareze para sfidës së enjtes.