Dritan Sadedeni do të jetë trajneri i ri i Flamurtarit. Edhe pse nuk ka ardhur në mënyrë zyrtare, emri i teknikut të ri është zbuluar nga vetë administratori i Flamurtarit, Sinan Idrizi, i cili në një intervistë për mediat lokale ka pohuar se Sadedeni do drejtojë ekipin në edicionin e ri.
“Trajneri i Flamurtarit do të jetë, Dritan Sadedeni. Nuk është i komanduar, por do të jetë trajneri jonë deri në fund të sezonit”-u shpreh mes të tjerash Idrizi.
Në këtë post, ish-zëvendës trajneri i kuqezinjve do të pasojë teknikun, Gert Haxhiu, që vetëm pak ditë pasi u zyrtarizua në Vlorë, bëri gati valixhet për shkak të mosmarrëveshjeve që ende nuk bëhen të ditura. Përkrah Sadedenit do të jetë Edmond Diçaj, që përveç drejtorit sportiv do të jetë edhe zëvendës-trajner. Përgatitës atletik është emëruar Theothoraq Rama, ndërsa trajner i portierëve do të jetë Luan Birçe
Loading ...
