Bayern ia ka dalë të marrë një fitore të rëndësishme në Itali me shifrat 1-4. Fillimisht ishte Lewandowski që hapi siparin e golave, pas një gafe të Musachios. I dyti vjen nga Musiala, me lojtarin që nuk fal. Në pjesën e parë ka kohë edhe për të 3-tin, me Sane që përfiton nga një kthim topi i Reina për ta dërguar topin në rrjetë. Pjesa e dytë nis keq për lacialët, me Acerbin që shënon autogol. Goli i nderit për bardhekaltërit realizohet nga Correa. Fitorja në ndeshjen e parë i jep qetësi bavarezëve për ndeshjen e kthimit, teksa në Mynih thjesht duhet administrim rezultati.
Në sfidën tjetër, Chelsea mposht në Bukuresht 0-1 Atleticon e Madridit. Duheshin 70 minuta lojë për të parë golin e parë. Ishte pikërisht Olivier Giroud që me një lëvizje të bukur gjen rrjetën. Gjithsesi, festa do ndalej për pak çaste, pasi VAR ndërhyn. Asgjë për t’u shqetësuar për të besuarit e Tuchel që me konfirmimin vazhdojnë festën. Spanjollët tentojnë të reagojnë, por nuk ka më kohë. Ky është një rezultat i rëndësishëm, teksa fokusi është tani te ndeshja e kthimit.
Loading ...
