Leon Pohlus ka konfirmuar zyrtarisht përfundimin e aventurës së tij te Vllaznia. Përmes një postimi në rrjetet sociale, ai ka ndarë emocionet e tij pas largimit nga klubi shkodran.
Pohlus shprehet se kjo nuk ishte mënyra se si e kishte imagjinuar lamtumirën, duke theksuar se ka dhënë gjithçka për fanelën e Vllaznisë dhe se gjatë kësaj periudhe ka përjetuar si momente të bukura, ashtu edhe vështirësi.
29-vjeçari luajti vetëm një sezon me ekipin shkodran pas transferimit të tij nga skuadra Irlandeze e Shamrock Rovers dhe tani është lojtarë i lirë.
POSTIMI NË SHQIP
"Kapitulli im me Vllazninë ka ardhur zyrtarisht në fund.
Kjo nuk është mënyra se si e imagjinoja t’i jepja lamtumirën këtij klubi. Dhashë gjithçka që kisha për këtë klub, çdo ditë. Përjetova anën e bukur të këtij klubi, por edhe momente të vështira prapa skenave. Si në futboll, ashtu edhe në jetë, jo gjithçka është gjithmonë në kontrollin tënd.
Ajo që nuk do ta harroj kurrë është mbështetja e njerëzve të Shkodrës. Që nga dita ime e parë deri në të fundit, tifozët qëndruan pas meje. Për këtë do të jem gjithmonë mirënjohës.
Ajo që më mërzit më shumë është fakti që nuk e fituam kampionatin. Pothuajse gjatë gjithë sezonit qëndruam në krye dhe tifozët e meritonin të festonin titullin kampion. Nuk ia dolëm të jepnim maksimumin kur kishte më shumë rëndësi dhe kjo do të më dhembë gjithmonë.
Besoj sinqerisht se lojtarët dhanë gjithçka për këtë fanellë, por futbolli nuk vendoset vetëm në fushë. Kishte gjëra përtej kontrollit tonë që e bënë rrugëtimin tonë më të vështirë. Pavarësisht kësaj, do të jem gjithmonë krenar për luftën, kujtimet dhe momentet që ndamë së bashku.
Largohem me kokën lart, mirënjohës për mundësinë dhe për njerëzit që takova gjatë këtij rrugëtimi.
Faleminderit shokëve të skuadrës dhe të gjithëve që më mbështetën, besuan tek unë dhe qëndruan pranë meje gjatë gjithë këtij rrugëtimi".
Faleminderit, Shkodër.
View this post on Instagram
Lexo gjithashtu
