Klubi i Dinamos, ka ndarë njoftimin e rëndësishëm, i ardhur nga FIFA. Bëhet e ditur se institucioni më i rëndësishëm futbollistik në botë, FIFA, ka konfirmuar heqjen e masës kufizuese në klubit dinamovit për regjistrimin e lojtarëve të rinj.
Kësisoj, ekipi kryeqytetas i Shqipërisë mund të afroj lirshëm dhe pa prbolem lojtarë të rinj në gjirin e saj, sikurse trajneri Ilir Daja do të ketë më shumë opsione ne reparte të caktuara.
"FC Dinamo City njofton se FIFA ka konfirmuar zyrtarisht heqjen e masës që kufizonte klubin në regjistrimin e lojtarëve të rinj.
Pas përmbushjes së të gjitha procedurave dhe detyrimeve përkatëse, klubi është tashmë i lirë të regjistrojë lojtarë të rinj, si në nivel kombëtar ashtu edhe ndërkombëtar.
Masa në fjalë lidhej ekskluzivisht me një detyrim administrativ me vlerë modeste dhe jo me problematika financiare të klubit apo detyrime të papaguara ndaj futbollistëve dhe stafit.
Çështja, e cila nuk ishte trajtuar në kohën e duhur nga struktura përgjegjëse, tashmë është zgjidhur plotësisht dhe klubi ka marrë masat e nevojshme për të shmangur përsëritjen e situatave të tilla.
FC Dinamo City është një klub me financa të shëndosha, që garanton korrektësi dhe përgjegjshmëri maksimale në përmbushjen e detyrimeve financiare ndaj futbollistëve, stafit dhe partnerëve të tij. Klubi do të vijojë të funksionojë mbi parimet e përgjegjshmërisë institucionale, transparencës dhe respektimit të plotë të rregulloreve kombëtare dhe ndërkombëtare.
Me heqjen e kësaj mase, FC Dinamo City vijon normalisht aktivitetin në merkato dhe punën për forcimin e skuadrës, në funksion të objektivave të klubit për sezonin në vazhdim", komunikata zyrtare e klubit të Dinamos.
Lexo gjithashtu
