Foto ilustruese
U mendua se ky ishte momenti i duhur që Qeveria e Shqipërisë të miratonte projektligjin për sponsorizimin, por nuk ka ndodhur kështu. Ministria e Financave e ka kaluar në “heshtje” këtë projektligj, pa asnjë miratim.
E pakuptueshme është se çfarë e pengon qeverinë t’i japë “dritën e gjelbër” një projektligji që funksionon edhe në Kosovë. Nëse ligji i sponsorizimit do të miratohej, do të ishte një nxitje e drejtpërdrejtë për klubet shqiptare, përmes investimeve private.
“Formula” është e qartë, ndonëse do të mbetet në “letër” edhe për një kohë të pacaktuar: kreditim tatimor deri në 30% të tatimit mbi fitimin të vitit paraardhës, sigurisht pa tejkaluar shumën e sponsorizimit të dokumentuar.






