Vllaznia është zhvendosur prej disa ditësh për fazën përgatitore në Ohër. Shkodranët luajtën miqësoren e radhës ndaj Teutës në Korçë. Në një intervistë për “RTSH Sport”, ka folur dhe një nga lojtarët kyç dhe kapiteni i skuadrës, Gilman Lika. Në prononcimin e tij, Lika u shpreh se Vllaznia duhet që të synojë gjithmonë Europës duke parë emrin e madh që ka.
“Kanë ardhur shumë lojtarë të rinj në skuadër. Skuadra ka nevoj për kohen e vet që të stabilizohet dhe të gjithë afrimet e reja të përshtaten me ekipin. Po bëhen 3 javë që kemi nisur stërvitjen dhe jemi të kënaqur nga puna që po bejmë. Na duhet akoma më shumë punë për të arritur qëllimet që kemi. Në aspektin personal punoj akoma më shume pasi jam profesionist dhe vitet ikin dhe tani stërvitja dhe regjimi është shumë i rëndësishëm për mua”.
Synimet e Vllaznisë këtë sezon? “Synimi është të jemi në Europë, por nuk dua të jap premtime pasi të gjithë duhet të japim maksimumin për të arritur këtë objektiv. Na duhen edhe disa afrime në merkato pasi kampionati është i gjatë dhe nuk mund ta përballojmë dot me kaq lojtarë që kemi në dispozicion”, deklaroi Gilman Lika.